Geet गुंजन

*पाच पानें.....*🦚

☘
अट्टाहास इंद्रायणीचा कसा,
स्वदेही अभंग जगण्याचा...
वारीत अजूनही तेच,
संतत्व नवे शोधण्याचा...
☘
झाले गेले ज्ञाना तुका,
झाला मुका हरिपाठ...
आळवूनही ओठी ओवी,
अंतर्ध्यान शुष्क सपाट...
☘
राधा जगावी, मीरा बोलावी,
कृष्णदेही सखी मोहरावी...
विस्मृतीतल्या अहिल्येलाही,
आभा रामरक्षेची मिळावी..
☘
हरवले जरी देवत्व,
माया तुझीच बरसावी...
युगायुगाचे सखीत्व तुझे,
चैतन्यात राधा उरावी....
☘
यावा वसंत फुलांवी पानफूलें,
देहवस्त्री सुगंध दरळवावा...
आदीअनंताचा कृष्ण पावा,
नाद अनाहत तन्मय व्हावा...

ःःःःःःःःःःःः🌹

अशोक अर्धापुरे,
औरंगाबाद
21.09.2019