ताण तणाव

*अशी पाखरे येती...*

*बुलबुल*

चिमणीपेक्षा मोठा असलेला बुलबुल पक्षी सुंदर अन् मोहक आहे. कोंबड्यासमान तुरा त्याने आपल्या माथ्यावर रोवला आहे. काळ्या रंगाचा पण चित्ताकर्षक बुलबुल भारतातल्या दाट व प्रेक्षणीय बागबगिच्यात आढळून येतो. फुलं, फळं आणि छोटे-मोठे किडे-मासे या बुलबुलचं प्रमुख खाद्य आहे. तथापि कारागिरालाही लाजवेल अशी त्यांची घरटी अत्युच्च कारीगरी करून बनविलेली असते. प्रामुख्याने बागेतल्या दाट झाडींमध्ये ही बुलबुल नामक पाखरे दिसून येतात. कधीकाळी ते घराचीही शोभा वाढवितात. मादी बुलबुल एकाच वेळी तीन ते चार अंडी देते. या अंड्यांची विशेषता म्हणजे ते सप्तरंगी असते. गुलाबी रंगाचे बलक असलेल्या या पांढºया अंड्यांवर लाल, निळा अन् करड्या रंगाचे धब्बे पडलेले आढळून येतात. त्याचमुळे या अंड्यांना सप्तरंगी अंडे असे म्हटले गेले असावे. हे अंडे मोठे आकर्षक असते. अंडी ऊबविण्याचे कार्य नर आणि मादी दोघेही आळीपाळीने करतात. बुलबुल पाळण्याचा अनेकांना असतो. हे पाखरू प्रामाणिक आणि माणसाळलेले असल्याने त्यांना पिंजºयात बंद करून ठेवण्याची गरज पडत नाही. ते स्वत:च माणसाच्या अंगाखांद्यावर खेळतात. पुरातनकाळी राजे-महाराजांना आपल्या सोबत बुलबुल ठेवण्याचा छंद असायचा. बुलबुलचे सहा प्रकार असून सुंदर गायनाची आवडही तिला असते. मात्र शोख, मस्तवाल, नखरेल, चहकदहक, अल्हड आदी गुण तिच्यात खचाखच भरलेले असतात. त्याचमुळे की काय, असे गुण असणाºया तरुणीला ‘बुलबुल’ म्हणून संबोधण्याची प्रथा पडली असावी.

*निशिकान्त मायी*
विदर्भ/मराठवाडा
मोबाईल 9881152439