ताण तणाव

*अशी पाखरे येती...*
ःःःःःःःःःःःः🌹
*कोकिळ* (१)
☘

गायनाची अत्यंत आवड असणारी कोकिळ जेव्हा गायला सुरुवात करते, तेव्हा संपूर्ण वातावरण धुंद होऊन जाते. तीही मन भरून गाते. वसंत ऋतूमध्ये गाण्याअगोदर कोकिळ मंजरी, कोपले, फळ आदींचे रसास्वादन करते. गात गातच एका वृक्षावरून दुसºया वृक्षावर विहार करते अन् गाण्यात तल्लीन होऊन जाते. हेच वैशिष्ट्य आहे या गानकोकिळेचे. हिचं आणखी एक वैशिष्ट्य म्हणजे ती वर्षातून चार महिने गात नाही. गीतांचे स्वर तिच्या कंठातून या चार महिन्यांच्या कालावधीत निघत नाही. उत्तर पश्चिम भाग वगळता भारतातील सर्व राज्यात कोकिळ आढळून येते. सर्वच ठिकाणी ती कौतुकाचा विषय असते. तिच्याबद्दल कौतुकाचाच भाव असतो. मल्याळम, चीनकडेही तिचे वास्तव्य आहे. कोकिळेचा आहार हा वटवृक्ष, अश्वत्थ आदी झाडांची छोटी छोटी फळे खावून ती आपला गुजारा करते. तिचे भोजन मोजकेच असून किडे-मासेही तिचे अनेकदा भक्ष्य बनतात. थंडीपासून संरक्षण करण्यासाठी कोकिळ हिवाळ्याच्या दिवसात दक्षिण दिशेकडे प्रयाण करते. कारण दक्षिण दिशेकडे थंडीचे प्रमाण कमी आहे. कावळ्यासारखा काळा रंग ल्यालेली कोकिळ आवाजाशिवाय ओळखू यायची नाही. तिचे मौनव्रत असते तेव्हा कावळा समजूनच आपण या पाखराकडे बघतो किंवा अनेकदा दुर्लक्षही करतो. नर-मादी कोकिळमध्ये रंगरुपाचा भेद आहे. निळ्या हिरव्याची चमक असलेली काळी कोकिळ नर असून मादी ही भुºया रंगाची मालकिण असते. लांबी ४३ सेंटीमीटर असते. शेपटी लांबलचक असते. मादी कोकिळ जून महिन्यातच अंडी देत असते. आणखी काही उल्लेखनीय बाबींनी कोकिळ प्रसिद्ध आहे... गोड गळ्याची देणगी ही केवळ नर कोकिळालाच प्राप्त झालेली आहे. मादी कोकिळ किकीऽऽकिकीऽऽ असा आवाज करते तर नर कोकिळ हा कुहूऽऽकुहूऽऽ असा सुरेख आवाज काढू शकतो.

ःःःःःःःःःःःः🌹

*निशिकान्त मायी*
विदर्भ/मराठवाडा
9881152439